ငါးသိုင်းချောင်းမြို့ ငဝန်ရေကာတာ၌ တာတမံထိန်းသိမ်းနည်းနှင့် ရေဘေးကြိုတင်ကာကွယ်ရေး သရုပ်ပြပွဲကျင်းပ

ငါးသိုင်းချောင်း ဇွန် ၁၃ဧရာဝတီတိုင်းဒေသကြီး ပုသိမ်ခရိုင် ရေကြည်မြို့နယ် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန အစီအစဉ်ဖြင့် တာတမံထိမ်းသိမ်းနည်းနှင့် ရေဘေးကြိုတင်ကာကွယ်ရေး သရုပ်ပြပွဲကို
ဇွန် (၁၂)ရက်
နံနက်၁၀ အချိန်ခွဲအချိန်က ငါးသိုင်းချောင်းမြို့ ငဝန်ရေကာတာ ဗောဓိရေကင်းစခန်းအမှတ်(၂) တာမိုင်(၄၆/၀)တွင် ကျင်းပရာ ရေကြည်မြို့နယ် အုပ်ချုပ်ရေးမှူးနှင့် ဌာနဆိုင်ရာများ၊ ငါးသိုင်းချောင်းမြို့ဌာနဆိုင်ရာများနှင့် လူမှုရေးအသင်းအဖွဲ့များ၊ ရှာဖွေကယ်ဆယ်ရေးအဖွဲ့၊ မြို့သဘာဝဘေး အန္တရာယ်ကြိုတင် ကာကွယ်ရေး အဖွဲ့ဝင်များ၊ ဒေသခံပြည်သူများ တက်ရောက်ခဲ့ကြသည်။
ရှေးဦးစွာ ငဝန်ရေကာတာ ဗောဓိရေကင်းစခန်းယာယီ ရှင်းလင်းဆောင်၌ တာတမံထိန်းသိမ်းခြင်းနှင့် ဆည်မြောင်းတာတမံဆိုင်ရာဥပဒေများအား မြို့နယ် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန တာဝန်ရှိသူများက ရှင်းလင်းဟောပြောခြင်း၊ အသိပညာပေးလက်ကမ်းစာစောင်များဖြန့်ဝေခြင်းတို့ကို ဆောင်ရွက်ခဲ့ပါသည်။
ရေကြည်မြို့နယ်အတွင်း သက်ဆိုင်ရာ ဌာနဆိုင်ရာများနှင့် ငဝန်ရေကာတာတစ်လျောက်ရှိ မြို့၊ ရွာ၊ ရပ်ကွက်များမှ အုပ်ချုပ်ရေးမှူးများ၊ လူမှုရေးအသင်းအဖွဲ့များနှင့် ဒေသခံပြည်သူလူထု အားလုံးပူးပေါင်း၍ အရေးပေါ်အခြေအနေဖြစ်ပေါ်လာပါက ချိတ်ဆက်ပူးပေါင်းဆောင်ရွက်သွားရန် အစီအစဉ်၊ အစီအမံများ အသင့်ထားရှိဆောင်ရွက်သွားမည်ဖြစ်ကြောင်း မြို့နယ်အုပ်ချုပ်ရေးမှူးဦးမင်းခိုင်ဝင်း က ပြောကြားခဲ့ကြောင်း သိရှိရသည်။
*****
ဒီသတင်းကို
ဆန်းတင့်-M.U.N(TV)သတင်းထောက်က
ရေကြည်မြို့ကနေပေးပို့ထားသည်

KK--M.U.N(TV)M.D.N
တာဝန်ခံအယ်ဒီတာ